عشقي الابدي

بتحدى وهو يبتسم لها 
طب جربى وبيتهيألى نسيتى للمره اللى فاتت طلعتك منها ازاى .. 
ابتسمت بعمق وهى تتذكر مشاكسته لها ذلك اليوم فحاولت إغاظته 
طب ممكن يلا بجد عشان كده هتأخر وبعدين المدير بتاعى الرخم ده ممكن يضايق ..
تظاهر مراد بالجديه وهو يسألها مستنكرا 
مدير !!!!!!!! ورخم !!!!!!! ..
اجابته اسيا متصنعه البراءه 
اه يا مراد المدير بتاعى رخم اوى ودمه تقيل بيبقى هناك من الصبح وواضح كده انه مستقصدنى فلازم اكون هناك فى ميعادى عشان ميهزقنيش .. 
كتم مراد ضحكته وهو يسألها 
رخم ازاى بقى احكيلى .. 
اسيا دمه تقيل كده وشايف نفسه وفاكر نفسه حلو وبعدين بيمشى ولا همه حد وكل ما بعمل حاجه يزعقلى مش عارفه شايف نفسه لييه تصدق انه مره كمان باسنى .. 
شهق مراد بسخريه وهو يبتسم 
باسك !!! وانتى سكتيله عادى كده !.. 
اسيا بدلال 
ماهو بصراحه كان حلو اوى وبعدين عايزنى أعارض المدير بتاعى ويرفدنى ولا ايه !.. 
مراد لا لو كده انا هاجيلك المستشفى بليل اشوف المدير ابو ذوق حلو ده ..
شهقت اسيا بفرح وقفزت امامه وهى تصفق بيدها 
مراد بجد هتيجى النهارده الله انت عارف بقالك قد ايه مجتش المستشفى .. 
أجابها مبتسما بفرح وهو يرى سعادتها واضحه 
انتى فعلا مبسوطه عشان هاجى النهارده !.. 
هزت راسها له بقوه موافقه وهى تحاوط عنقه بذراعيها وتقر بخجل 
ايوه طبعا المستشفى من غيرك ملهاش معنى وحاسه ان فى حاجه نقصاها .. 
مراد وهو ينظر لشفتيها بتركيز ويلتوى فمه بنصف ابتسامه 
لا متقلقيش هاجى عشان عجبتنى اوى موضوع دى 
اسيا وقد بدء الخجل يزحف لوجنتبها مره اخرى 
مراااااااد ... 
أجابها مراد وقد بدء لون عينيه يتحول 
لا ماهو مراد وانتى محمره كده مش هينفع خالص وبعدين فين صباح الخير بتاعتى .. له بوهن وهى تشعر بأنفاسه تسقط على وجهها 
مراد احنا كده هنتأخر .. 
انحنى يضع يده خلف ركبتها ويحملها إلى الفراش وهو يتمتم 
نتأخر نتأخر مش مهم دلوقتى فى حاجات اهم .. 
انقضى يوم اسيا فى المشفى بسلاسة وأوشكت الساعه على الثامنه كانت اسيا تتمشى بقلق فى احد الممرات تبحث عنه فلقد وعدها بالحضور لكنه تأخر كثيرا كانت تتلفت حولها عندما أوقفتها عائشه بمرحها المعتاد 
شكلك بتدورى على حد ..
اجابتها اسيا بخفوت فعقلها فى مكان اخر 
هكون بدور على مين بس يا عائش !! 
عائشه ممازحه 
يعنى انتى دلوقتى مش بتدورى على حد معين طويل كده واسمر وعيونه ملونه ومكتبه فوقينا بدورين وبيدور عليكى دلوقتى .. 
انتفضت اسيا فرحه 
عيوش بجد مراد جه !... 
عائشه غامزه 
اه والله جه من شويه وسأل عليكى وقلتله انى هبلغها ايوه يا عم مش متحمل يبعد عنك .. 
وكزتها اسيا فى كتفها بخفه وهى تبتسم بسعاده 
وتتحدث بصدق 
بطلى لماضه وعقبال ما اخلص منك بواحد يتحمل جنانك وهبلك ده ويريحنى من لماضتك دى .. 
ابتسمت لها عائشه بود 
يارب عشان ارتاح انا كمان .. 
تركتها اسيا مسرعه وهى تغمز لها بغيظ 
طب الحق اشوف جوزى بقى سلااااااام ..
ثم انطلقت مسرعه تاركه عائشه تضحك خلفها وصلت إلى مكتبه وطرقته بخفه ثم دلفت داخل الغرفه دون انتظار اجابه نظرت إلى المكتب فوجدته فارغا تحدثت اسيا بوهن 
مراد احنا فى المكتب ممكن حد يشوفنا .. 
ابتسم لها بخبث قبل ان يجيبها 
ايه المشكله وبعدين انتى