هوس السيف
تمط شفتيها باستنكار
فقريه ..طول عمرها فقريه مش فاهمه مستنيه ايه عشان تقوله ..دا مشغلها خدامه في البيت عنده ومبهدلها وبيعاملها معامله ذي الزفت
امين وهو ينظر لها بخبث
لكن انتي عيني عليكي بارده بيعاملك معاملة اميرات يا ترى ليه
سالي وهي تعقد حاجبيها بتساؤل
تقصد ايه
امين بخبث
اقصد ان شكل ابن السواق عينه منك وزهره خلاص راحت عليها
انت بتقول كده عشان مشفتوش بيبصلها اذاي وهي مش واخده بالها سيف لسه بيحبها يمكن اكتر من الاول
كمان بس شكل كرامته لسه ۏجعاه من الي حصل زمان
امين وهو يقول بخبث
بيحبها ..بتحبه ..مش موضوعنا المهم احنا هنستفاد ايه
سالي بدهشه
قصدك ايه
امين بجديه
اقصد ان اختك فقريه ذي ما بتقولي ومبيهمهاش الفلوس وابن السواق بقى من اغنى اغنياء البلد واحنا كده هنطلع من المولد بلا حمص
اختك وسيف مش هيكملو مع بعض
بمزاجها ڠصب عنها استحاله اسمح لها ترجعله تاني ..وبعدين اختك عايشه في دور المثاليه واخر حاجه بتبص لها الفلوس يعني لو اعتمدنا عليها هنضيع
واراهنك انها بتخطط اذاي تسيبه وتبعد دي فقريه وانا عارفها
لتتزكر سالي كلمات زهره التي قالتها لها في الصباح عن بحثها عن عمل ومنزل جديد وترك الفيلا والابتعاد
طيب وانت شايف ايه
امين بخبث و قسوه
شايف انك انتي الي تحلي مكانها ابن السواق دلوقتي غني جدا وعنده فلوس واملاك ملهاش عدد ومش لازم الفلوس والعز ده كله يضيع من إيدينا
سالي بدهشه
تقصد...
امين بتأكيد
اقصد انك توقعيه في حبك وتناسيه زهره خالص وطالما هي كده او كده هتسيبه يبقى انتي..وانا طبعا اولى بملايينه
وافرض هي لسه بتحبه ومش عاوزه تسيبه و قررت تحكيله على كل الي حصل زمان
امين بشړ
تمنعيها .. باي طريقه تمنعيها وانا عارف ومتأكد انك تقدري دا انتي تربية امين
لتقول سالي باعتراض
بس...
امين بخبث وصوت كفحيح الافعى
سالي احنا مش هنلف وندور على بعض انتي قدامك طريقين..طريق تعيشي فيه ملكه كل طلباتك
واوامرك مجابه وطريق الفقر و الشقى وغسل الصحون مع اختك في المحلات ..تختاري ايه
اختار طريق الغنى يا امين انا اتبهدلت كتير و استحاله ارجع لطريق الفقر من تاني
امين بسعاده
تعجبيني ..كده تبقي اخت امين بصحيح
ليتابع بشړ
اسمعي بقى هتعملي ايه..
